Здружението на новинарите ги повика дипломатите да го посетат Кежаровски

Во писмото ЗНМ ги замолува странските дипломати во Скопје да ја искористат можноста дадена според македонските закони да го посетат новинарот Кежаровски во затвор со цел да се запознаат со условите во кои тој е сместен во затворот. Освен тоа, посетата на Кежаровски ќе им овозможи од прва рака да се запознаат со неговиот случај.
„Вашиот интерес да го посетите новинарот Кежаровски ќе ги поттикне националните власти да ги подобрат условите за престој на притворениците во затворот. Освен тоа сметаме дека вашата информираност од прва рака ќе придонесе овој случај да се реши на позитивен начин“, се наведува во писмото на ЗНМ.
Според ЗНМ, ангажманот на дипломатите ќе ја зголеми одговорноста на властите да имаат поголемо разбирање за важната улога на медиумите во едно демократско општество.

Извор znm.org.mk