РазМисли (10)

пишува Звонко Каров

Кога народот одлучува за се, политичката елита мора да го држи в раце.

Има 19 години, а еден век бил за ВМРО .

Јас сум неутрален, за ЕУ и НАТО сум !

Да имаш со некој кафе муабет е чист турцизам.

Мислам дека не е паднат , пропаднат е.

-На што се запиша ? -На Уставен.

Овие од АЈДЕ ама се брзи мислиш Уставен ги плаќа да помине полесно.

Што може да се очекува од политичар кој се бори за иднината на младите ? Ништо, тој е само перспективен !

Што убаво си напредувавме 10 години, будалите не закочија !

На мала душа сте, дишете на музеи. (Ванхауте)

Од толку безобразни пратеници белки ќе се најдат 62-јца умни да не се самораспуштат.

Сме биле во редовна политичка состојба, не сум знаел.

Си правиме муабет, а што ако ДИК не сака да организира и спроведе избори до редовниот термин ?

Времињата се сериозни, заебавајте се!

Денес, Ѓорѓе и Трајко не поднесуваат оставка, тие се на функција пред да фати политичката криза.

Да пробаме еднаш без поставување на рокови , можеби ќе ги запазиме.

Одложете со датумот за самораспуштање барем до 29 февруари. Партиите се зафатени со годишните сметки.

Како Груевски ќе барате, ама ќе нема !

Бејли беше многу јасен. Само ВМРО-вец може да каже дека сме за СДСМ.

ВМРО-ДПМНЕ треба да си излезе на избори.

Кај ќе ни биде крајот кога ќе излеземе од политичката криза ?

-Ќе има ли избори на 24 април ? -Не знам, си има пратеници таму, тие како ќе решат така !

Хаааааа ДУИ остана на иста линија со меѓународната, а ние и понатаму на старата, на линијата на огнот.

Кога рекле дека Хан е арамија, коцкар, кретен, вол, сероња, ортак на овој-оној….Неееееее , не сте ги разбрале, човекот отсекогаш бил со интегритет, ја гледал суштината.

Ако Груевски си замине од ВМРО-ДПМНЕ , СДСМ нека им го даде Заев за В.Д. – да ги среди.

Единствената македонска псовка која не може да предизвика ќотек е да те опцујат во идентитетот.

И Заев кој ѓавол го дупна да лицитира со датум за избори , туку трчи пред Бејли !

При толку разочарувања што и приредија на меѓународната со овој Пржинскиот, пак ме чуди како издржа и не си замина.

Русите не реагираа со прес околу датумот за изборите, освен ако не ги сметаме за нивни Мирка, Латас и Миленко. Ама нив ниту Груевски многу не ги шиша!