И вработените во детската градинка “Рада Поцева” добија покачување на платите

Редовното покачување на вработените во детските градинки е вметнато во нивната септемвриска плата

На вчерашната прес конференција, министерката за труд и социјална политика, Мила Царовска, даде појаснување во врска со покачувањето на платите на вработените во градинките.

Редовното покачување од 2% на платите на вработените во градинките е вметнато во нивната септемвриска плата. Потоа, согласно со Законот за минимална плата, зголемената плата за 2%, дополнително се покачи до износот на минимална плата.

Во таа насока, министерката Царовска изјави дека:

,,Од септември, вкупниот ефект од зголемувањето на минималната плата и зголемувањето од 2% кај градинките, ќе биде до 2040 денари, во зависност од нивното работно место’’

За илустрација го наведуваме следниов пример:

Пример за пресметка за хигиеничар:

• основна бруто плата пред зголемување од 2 % изнесува 15.090 денари
• основна бруто плата со зголемување од 2% изнесува 15.392 денари
• основна бруто минимална плата изнесува 17.130 денари

се наведува во известувањето од Министерството за труд и социјална политика.