Доктрина (афоризми)

-Тие имаа Труманова и Синатрова доктрина.Нашата, статус (ва) кво е !

-Јавноста е повеќе заинтересирана за информации од приватен, отколку од јавен карактер. Јавноста нема карактер и е приватно-никаква.

-Владата води економска политика на немешање.За некои таа е ЛЕЗЕТ ФЕР.

-Во мрак не се тоне, во мрак се гледа.

-НАТО е наш,одиме на Брисел !

-Во време на СДСМ немавме вакво БИОМЕТЕО !

-Грците ја имаат радикалната Сириза, ние радикалниот СВОЗ.

-Кабает ли е Кабаева?

-Стевче бара СДСМ да застане зад неговиот претседателски кандидат.Ред е Милетиќ да застане пред кандидатот.

-Во Македонија тешко ќе оде со “нејборхуд” соседство.Кај нас уште во најголем дел важи правилото : “Комшија кој ќе ти се падне или на кого ќе паднеш.”

-2 табли јајца за 24 часа и го кренав притисокот.Каков бре рецепт за љубовна недела ?!

-Александар Македонски не е значајна личност за Република Македонија.Тој е само онака пригодно прикован на плосхтадот во Скопје .

-Нема општествени станови, ќе си земате на приФатно !

-Некои домашни инвестотори сакаат да се изедначат во условите за инвестирање со странските.Кои, оние со надграден општествен капитал?!

-Мислам, мислам и си купив 3-4 стана во Скопје.Толку ми сече умот.

-Си молчев за барокот на зградата каде имам стан.Мислев да го продадам.

-Стевче од ГРОМ сака уште да го подржат.Нели го лулат сега други ?

-Гјоргје како претседател на држава со ништо не ја задолжи РМ.Ако Ставревски биде новиот ќе ја задолжи сигурно.

-Кавадарци ќе има дури и вишок вода.Може да се бањаме со неа.

-Латас е наша судба.

-Сакаа да му подигнат споменик.Им се заблагодари на честа.

-Проверете се на избирачкиот список.На друг тешко да се најдете !

-Без пари може да бираш само на избори.Може и за пари, ако те изберат.

-Според неофицијални извори, професорот Фрчкоски ќе полагал за овчар.Шансите на Јон да биде прифатен како надежен политичар во Македонија ќе биле така највисоки.

-Дотогаш младиот социјалдемократ ќе останел срамно, непотистичко професорско детиште кое одзема перспективи.

-На бога камења не сме фрлале, да гледаме СЕИР и чукаме во дрво 3 пати.Заслужуваме ли подобар живаго ?

-Со Грција сме во врска.Над неа сме -географски !

-Не знаеме колку сме токму.Не е направен попис.

-Колку сме, толку сме-непопишани сме !

-Претседателскиот кандидат од ВМРО-ДПМНЕ ќе мора да помине уште еден конкурс.И граѓаните се некоја фирма.

-Единствената пречка да не избереме претседател на држава е ако поставиме услов да има 40 години убав живот во РМ.

-Претседател на држава може да биде и лице кое не е родено во РМ.Доволно е да има 40 години живот надвор и издржал во последните 10 години тука.

-Каков претседател на држава во овој момент и треба на РМ?Отсекогаш-ДОБАР !

-Не му дозволија да се откаже од имунитетот.Ќе им требал за самораспуштање.

-Оваа влада ќе падне, кога ќе падне.

-За Венизелос секогаш треба да се има јајца, колку и да се скапи.

-Комиран сум од здравите состојби.

-На некои им рекле дека пендреците се за луѓе ,па маваат како по стока.

-Го примиле зошто имал многу мускули во мозокот.

-Вчерашната драма не беше уметност.Таа не беше во стих, проза или комбинирано.Беше во пендрек !

-Многумина не можат да ја сфатат поентата на ДЕЛОТО.Идејата е да се остане на власт.

-Да дојдам скришум кај тебе?Страв ми е да ти лајкнам.

-На многу им недостига Менада.Ја немаат во џеб.

-Бидете позитивни, ќе биде мрачно во Нова Македонија.

-Бил молчелив.Тоа му било во традицијата.

-Стевче од Карпош можел да ги утеши и дома со појадок 30-мина осамени срца.

-Престанете да не храбрете во нашите напори. Посветени сме ептен, ќе не деконцентрирате.

-Обложете се на нив, нема да загубите многу.

-Во партиските тела уста не отварал, во кабинетот на лидерот не затворал.

-Кога нема владина информација има новинарска фантазија.

-1/4 од граѓаните во светот не знаеле дека земјата се врти околу САД.

-Воспитувани сме во традиционален дух.Тепај пратеник да те слуша !