Од снежните врнежи непрооден е патот Кавадарци – Рожден

Од компанијата „Јами“, која кавадаречката локална самоуправа ја избра за зимско одржување на патиштата во општина Кавадарци, истакнаа дека нивната механизација е на терен, пренесува 24ВЕСТИ.

– Во моментов се работи на чистење на снегот на потегот кон селата Бохула и Бојанчиште и очекуваме до крајот на денот и патот кон Рожден да биде приспособен за движење. На некои места од патот кон Бојанчиште и месноста Михајлово снежната покривка достигнува и до половина метар, посочија од компанијата.

Според нив, се работи за јужен снег кој е потежок и ги прави патиштата полизгави, па затоа е и потешко да се истурка.

Нагласија дека засега нема потреба од интервенција со сол на патиштата, која можеби ќе биде неопходна во вечерните часови кога ќе дојде до подмрзнување на патиштата.

Оставете коментар