Матуранти парите од екскурзија ги донирале на директорката болна од рак

Матуранти од средно училиште во Битлехем, Њу Хемпшир, се откажале од училишното патување за сите собрани пари да ѝ ги дадат на директорката на која неодамна ѝ бил дијагностициран редок и многу агресивен облик на рак.

 

Матурантите оваа недела требале да тргнат во популарното одмаралиште Rydin’ Hi Ranch во Њујорк, меѓутоа, веста за болеста на директорката Кортни Вашав толку многу ги погодила, што одржале вонреден состанок на кој едногласно одлучиле да останат дома за на директорката да ѝ донираат 8.000 долари.

 

„Таа жена толку многи ни даде, што одлучивме барем на овој начин нешто да и возвратиме“, изјавил претседателот на класот Кристофер Сироис, на чии зборови се надоврзал неговиот колега, благајник во класот Иан Бејкер:

– Станува збор за многу грижлива личност која секогаш не подучуваше да бидеме несебични – рекол тој.

 

Дека успеала во тоа посведочил овој гест кој ја расплакал директорката, а сето тоа го забележале камерите на телевизиската станица WMUR9.

Оставете коментар