Апел за СОЛИДАРНОСТ на кој едноставно МОРАМЕ сите да се приклучиме!

Здружението на новинари на Република Македонија, Здружението на граѓани “ПРОЕКТ-ЕУ” од Кавадарци како и веб порталот “МОЈОТГРАД”  ги повикуваат сите новинари и граѓани на Република Македонија да се солидаризираат со новинарите од неделникот „Фокус“ – Јадранка Костова и Владо Апостолов, кои врз основа на пресудата на Апелациониот суд од спорот против директорот на УБК Сашо Мијалков, треба да исплатат 9.000 евра во име на нематеријална штета за клевета и судски трошоци.

ЗНМ смета дека пресудата е неправедна и е директно насочена против критичното новинарство, која е суштинска потреба за функционирањето на македонската демократија. Колегите не се во можност да го исплатат надоместокот, затоа ЗНМ упатува повик за мобилизирање и солидаризирање на членството, новинарската заедница и јавноста во Македонија.

ЗНМ смета дека вашата поддршка ќе придонесе да опстои слободната мисла и критика кон начинот на практицирање на власта во РМ.

Освен тоа, сметаат дека поддршката на новинарите и јавноста ќе биде директен придонес во зачувувањето на слободата и на изразувањето во Македонија. Затоа Ве повикуваме во рамките на вашите можности да уплатите на следната жиро-сметка:

ЗНМ Солидарен Фонд: 300000003296484
Комерцијална банка
Цел на дознака: Донација за новинарите на Фокус

Оставете коментар