(ВИДЕО) Цензурирана емисијата “КОД”, тема кавадаречка фабрика на ужасот и смртта!

Цензура на Снежана Лупевска Созен и нејзината последна емисија КОД!

Александар и Христијан од Кавадарци ги поврзува тешка работничка судбина, и двајцата доживеаја несреќа во иста фабричка хала. Александар не ја преживеал несреќата додека Христијан останал без двете раце.

Снежана Лупевска Созен подетално објаснува за овој логор кој се наоѓа во Кавадарци. И двата случаи Лупевска ги истражува во нејзината последна емисија КОД, која пак од страна на телевизија Телма е делумно цензурирана. Телма, телевизијата со црвениот телефон која не добива нарачани текстови?!?!?!

Почитувани пријатели, животот е исполнет со подеми и падови, позитивни и негативни ситуации но сметам дека најбитно е да не ја губиме вербата и секогаш да помогнеме таму каде што можеме и колку што можеме. Уште од мојот прв работен ден пред 25 години, до ден денес, мојата цел е преку мојата работа како истражувачки новинар да им помагам на луѓето но и да предизвикам позитивни промени и корекции во нашето општество. Емисијата КОД постои од 2007ма година и во овие 11 години имав притисоци од разни центри на моќ: политички, бизнис , подземје…но јас никогаш не потклекнав. Оваа наша решителност и одлучност секогаш да бидеме на страната на вистината ни донесе многу награди и признанија а особено ни е драга и последната од ЗНМ за настаните од 27 Април во Собранието.. Вечерва се соочив со уште еден притисок кога бев информирана дека новата епизода на КОД нема да биде објавена во целост. Во емисијата ги прикажуваме трагичните судбини на двајца работници. Едниот од нив умрел во фабричката хала кога го згмечиле котури а другиот останал без двете раце при повреда на машината на која работел. И двата случаји тапкаат низ судските лавиринти со години. Александар е мртов а Христијан е без рака но се надева на вештачка за која во моментов нема финансиски средства. Почитувани пријатели, од етички, морални, но пред се човечки причини, решив, и покрај можните последици за мојата кариера и работа во телевизијата, на мојата ФБ страница да ја објавам целосната емисија, со првиот прилог, така како што беше направена и таква каква што требаше да ја погледнете. Јас останувам на страна на вистината и искрено се надевам и верувам дека оваа емисија ќе допре до сите вас и заеднички ќе им помогнеме на семејството на Александар, на Христијан.вели Лупевска на својот фејсбук профил.

Лупевска во изјава за „Фокус“ потврди дека една од сториите што требало да се емитува во последното издание на „Код“ била цензурирана, затоа што газдата на кавадаречката фабрика каде што се случиле трагичните настани извршил притисок во телевизијата.

До вчера на телевизија одеше форшпан, а денеска не отиде приказната затоа што газдата на фабриката е до толку моќен што извршил притисок и во телевизијата не дозволија да се емитува баш таа приказна, која е многу потресна.истакна Лупевска за „Фокус“.

Минатата година исто така двајца работници беа повредени во истата фабрика во Кавадарци, откако извршувале активности за отстранување дефект. Едниот од нив се здоби со тешки телесни повреди.