СЕ КРАДЕЛО БЕЗ ОСЕТ: Нова КРИВИЧНА за поранешната директорка на о.у “СТРАШО ПИНЏУР” од Кавадарци!

Т.И., како управител во ДТУ „ТД-ТД Трајче“ ДООЕЛ Кавадарци, издал три фактури за набавка на стока што не била воопшто подигната од училиштето

СВР Велес поднесе кривична пријава против В.Ј. (62) од Кавадарци поради постоење основи на сомнение за сторено кривично дело „злоупотреба на службена положба и овластување“ и против Т.И. (61) од Кавадарци поради постоење основи на сомнение за сторено кривично дело  „помагање“  во врска со „злоупотреба на службена положба и овластување“.

В.Ј. во 2016 година, како директор на општинското основно училиште „Страшо Пинџур“ од Кавадарци, во три наврати, надвор од предвидените асортимани во јавната набавка, извршила набавка на разна стока од правно лице од Кавадарци во вредност од 11.027 денари и извршила плаќање за три доспеани фактури. Подоцна, од Т.И., таа набавила други три фактури со различен опис, но со иста  вредност од 11.027 денари, кои што ги прифатила и извршила плаќање за дополнителните фактури.

Т.И., како управител во ДТУ „ТД-ТД Трајче“ ДООЕЛ Кавадарци, во 2017 година издал три дополнителни фактури за набавка на стока што не била воопшто подигната од училиштето и кои не биле согласно постапката за јавни набавки. Со ова пријавените го оштетиле буџетот на училиштето, односно буџетот на Локалната самоуправа Кавадарци, за 22.054 денари.

Бившата директорка која во неколку наврати ја злоупотребила својата позиција и ги оштетила буџетот на локалната самоуправа а со тоа и граѓаните на општина Кавадарци, сега е префрлена да работи како негувателка во интернатот во селото Дреново во близина на општина Кавадарци во период додека траат постапките од кривичните пријави.