Жителите на с.Возарци загрижени од изјавите на Јанчев!

ЕК “Тисовец” од Возарци регира на изјавите на Митко Јанчев, велат дека се пренасочува проблемот со изградба на цинкара

Екологистите од Возарци побараа градоначалникот Јанчев да го повлече дадениот предлог каде вели доколку ИГМ трејд сака да отвори цинкара тоа да го стори во Г1 зоната во близина на Фени. Во допис до јавноста а и до локалната самоуправа на општина Кавадарци тие обвинија дека било каде доколку се гради цинкара ќе дојде до уништување на животната средина.

ЕД „Тисовец” од с. Возарци, со години се бори за поздрава животна средина, и е во сите кампањи за тоа, па од првиот миг е против отварањето Г-1 зона за цинкара на „ИГМ Трејд”– Кавадарци. Затоа, и ја поздравува одлуката на вонредната седница од Советот на Општина Кавадарци, за отфрлање на барањето од Министерството за животна средина за отварање цинкарна на ова компанија. Но, ај што прво не шокира и порази фактот, барање за отварање цинкара и Г-1 зона среде град, да ни стаса од Министерство чија основна работа е заштита на животната средина (?!), уште повеќе не револтира излагањето на Градоначалникотна Општина Кавадарци Г-динот Митко Јанчев, на седницата. Имено тој, покрај се што наведе за „ИГМ Трејд” како компанија скоро цела „дивоградба” (над 80 % од објекти без ДУП и ГУП, и без запазена животна средина, а кршела и др. локални и републички акти !), предложи своевидно „пренасочување” на проблемот ! Наместо во град Кавадарци, цинкарна ако сакал „ИГМ Трејд”, да отворел во близина на комбинатот на „Фени”! ?(во атарот на Возарци, со „оправдание” оти таму имало Г-1 зона !). И наместо да анимира се, да пушти инспекции, кривични пријави, да ангажира и фирма за рушење ако треба (штом толку објекти на компанијата се дивоградби !), Градоначалникот како да вели „ Немој цинкарна во Кавадарци, оди на неколку километри од Кавадарци – во Возаречко, таму и така е се отидено !”. Наместо да се бори и грижи за поздрава животна средина во секое село, и секоја педа од Општината, Градоначалникот само „поттурнува под тепих”. Крајно, доволна е одлуката за отфрлање, што има да „му се помага” на ваков „див” субјект кој ги прекршил (и ги крши) сите можни Законски норми. Го потсетуваме Градоначалникот, и оти Возарци даде клучна поддршката за негов избор, а во кампањата вакви предлози и идеи не спомена. Затоа, и повикуваме да го повлече овој предлог (или демантира како нешто на што воопшто сериозно се разговарало !). Во спротивно, ќе организираме масовна петиција и протести, пред Општинската зграда, а ќе преземеме и други активности за спречување да се реализира истиот.се вели во соопштението од еколошкото друштво 'Тисовец'.

Извор:КТВ